- దళితులను బీజేపీ, కాంగ్రెస్ మోసం చేశాయి
- MRPS రాష్ట్ర చైర్మన్ వంగపల్లి శ్రీనివాస్
ముషీరాబాద్, నవంబర్ 11: ఎస్సీ వర్గీకరణ కోసం మాదిగల చిరకాల వాంఛను సీఎం కేసీఆర్ మాత్రమే సాధించగలరని ఎంఆర్పీఎస్ రాష్ట్ర అధ్యక్షుడు వంగపల్లి శ్రీనివాస్ మాదిగ అన్నారు. కేంద్రంలో అధికారంలో ఉన్న బీజేపీ, కాంగ్రెస్లు 28 ఏళ్లుగా ఎస్సీ వర్గీకరణ సమస్యను పరిష్కరించకుండా మాదిగలను మోసం చేశాయన్నారు. శుక్రవారం విద్యానగర్లోని ఎంఆర్పీఎస్ రాష్ట్ర కార్యాలయంలో ఆయన మాట్లాడుతూ.. కాంగ్రెస్, బీజేపీలు మాదిగలను ఓటుబ్యాంకింగ్ రాజకీయాలకు ఉపయోగించుకుంటున్నాయని, అభివృద్ధి, ఆర్థిక స్థితిగతుల్లో ఎలాంటి మార్పులూ చేయలేదని మండిపడ్డారు. టీడీపీ ప్రభుత్వ హయాంలో కూడా ఎస్సీ వర్గీకరణను సమర్థిస్తూ కేసీఆర్ మద్దతు ప్రకటించారని గుర్తు చేశారు. దళితుల ఆర్థికాభివృద్ధికి రూ.కోట్లు వెచ్చిస్తున్న సీఎం కేసీఆర్.. జాతీయ పార్టీ బీఆర్ ఎస్ ఏర్పాటుతో దేశంలో మౌలిక మార్పు వస్తుందని స్పష్టం చేశారు. దళితులు బీఆర్ఎస్కు మద్దతిస్తారని, కాంగ్రెస్, బీజేపీలను కూడా హెచ్చరిస్తామని హెచ్చరించారు. సమావేశంలో ఎమ్మార్పీఎస్ నాయకులు కొల్లూరు వెంకట్, చందు, తిరుమలేష్, శ్రీకాంత్, తదితరులు పాల్గొన్నారు.
835964
