- ఆర్బీఐ కేంద్రం.. తీర్పును వాయిదా వేయాలని సుప్రీంకోర్టు ఆదేశం
న్యూఢిల్లీ, డిసెంబర్ 7: నోట్ల రద్దు నిర్ణయానికి సంబంధించిన రికార్డులను సమర్పించాలని కేంద్ర ప్రభుత్వం, భారతీయ రిజర్వ్ బ్యాంక్ (ఆర్బీఐ)ని సుప్రీంకోర్టు ఆదేశించింది. నవంబర్ 2016లో, మోదీ ప్రభుత్వం తీసుకున్న నోట్ల రద్దు నిర్ణయాన్ని సవాలు చేస్తూ దాఖలైన పిటిషన్పై సుప్రీంకోర్టులో విచారణ ముగిసింది. జస్టిస్ ఎస్ఏ నజీర్ నేతృత్వంలోని ఐదుగురు న్యాయమూర్తుల ధర్మాసనం తీర్పును వాయిదా వేసింది. సీల్డ్ రూపంలో రికార్డులను దాఖలు చేస్తామని కేంద్రం తరఫున అటార్నీ జనరల్ ఆర్ వెంకటరమణి కోర్టుకు తెలిపారు.
2016లో మోడీ ప్రభుత్వం 500, 1000 రూపాయల నోట్లను రద్దు చేస్తూ సంచలన నిర్ణయం తీసుకున్న సంగతి తెలిసిందే. దీన్ని సవాలు చేస్తూ సుప్రీంకోర్టులో 58 పిటిషన్లు దాఖలయ్యాయి. జస్టిస్ ఎస్ ఏ నజీర్ నేతృత్వంలోని ధర్మాసనం వాదనలు విన్నది. డీమోనిటైజేషన్ వంటి ఆర్థిక నిర్ణయాలపై న్యాయ సమీక్ష ఉండదన్న కేంద్ర ప్రభుత్వ వాదనను తోసిపుచ్చిన న్యాయస్థానం, ఆర్థిక వ్యవహారాల్లో న్యాయ సమీక్షకు పరిమితులు ఉన్నాయని స్పష్టం చేసింది.
