చెన్నై: తమిళనాడు ముఖ్యమంత్రి ఎంకే స్టాలిన్ కుమారుడు, డీఎంకే యువజన విభాగం కార్యదర్శి ఉదయనిధి స్టాలిన్ రాష్ట్ర మంత్రివర్గంలోకి అడుగుపెట్టనున్నారు. ఈ నెల 14వ తేదీ బుధవారం తమిళనాడు రాజ్భవన్లో జరిగే కార్యక్రమంలో ఉదయనిధి మంత్రిగా ప్రమాణ స్వీకారం చేయనున్నారు.
ఈ విషయాన్ని రాజ్ భవన్ వర్గాలు సోమవారం మీడియాకు వెల్లడించాయి. ఉదయనిధిని రాష్ట్ర మంత్రివర్గంలోకి తీసుకోవాలని డిఎంకె అధినేత, ముఖ్యమంత్రి స్టాలిన్ ఇటీవల చేసిన ప్రతిపాదనకు గవర్నర్ సిటి రవి ఆమోదం తెలిపారు. అందుకే ఈ నెల పద్నాలుగో తేదీకి పదవీ ప్రమాణ స్వీకారానికి సమయం కేటాయించారు.
తమిళ నటుడు, నిర్మాత మరియు పంపిణీదారు అయిన ఉదయనిధి తొలిసారిగా 2021 ఎన్నికలలో ప్రతినిధిగా ఎన్నికయ్యారు. ఆయన చేపాక్-తిరువల్లికేణి పార్లమెంటరీ నియోజకవర్గం నుండి ఎమ్మెల్యేగా గెలుపొందారు. తాజాగా ఉదయనిధికి మంత్రి పదవిని కేటాయించాలని కోరడంతో ఈ నిర్ణయం తీసుకున్నట్లు డీఎంకే పార్టీ ప్రకటించింది.
