పాక్: వాయువ్య పాకిస్థాన్లోని బొగ్గు గని సరిహద్దుల కోసం సోమవారం జరిగిన ఘర్షణల్లో 15 మంది మరణించారని పోలీసులు తెలిపారు.
పాక్: వాయువ్య పాకిస్థాన్లోని బొగ్గు గని సరిహద్దుల కోసం సోమవారం జరిగిన ఘర్షణల్లో 15 మంది మరణించారని పోలీసులు తెలిపారు. పెషావర్కు నైరుతి దిశలో 35 కిలోమీటర్ల దూరంలో ఉన్న కోహట్లోని దర్రా ఆడమ్ ఖేక్ జిల్లాలో, గని సరిహద్దుల విషయంలో సన్నీ ఖేల్ మరియు జార్ఘున్ ఖేల్ తెగల మధ్య ఘర్షణ జరిగింది. సమాచారం అందుకున్న పోలీసులు, భద్రతా బలగాలు ఘటనాస్థలికి చేరుకుని పరిస్థితిని అదుపులోకి తెచ్చాయి.
క్షతగాత్రులను ఆస్పత్రికి తరలించినట్లు తెలిపారు. ఘర్షణలో జరిగిన కాల్పుల్లో ఇరువర్గాలకు ప్రాణనష్టం జరిగినట్లు పోలీసులు తెలిపారు. దర్రా ఆడమ్ ఖేల్ పోలీస్ స్టేషన్లో ఎఫ్ఐఆర్ నమోదైంది. సన్నీ ఖేల్ మరియు జార్ఘున్ ఖేల్ తెగల మధ్య బొగ్గు గనుల సరిహద్దుల వివాదం రెండేళ్లుగా కొనసాగుతోంది. అయితే, వివాదాన్ని పరిష్కరించడానికి అనేక ప్రయత్నాలు చేసినప్పటికీ, పరిష్కారం సాధించలేదని అధికారులు తెలిపారు.
