రేపు (గురువారం) రంజాన్ సందర్భంగా ఉదయం 8 గంటల నుంచి 11.30 వరకు హైదరాబాద్ ట్రాఫిక్ ఆంక్షలు ఉంటాయని నగర పోలీస్ కమిషనర్ కొత్తకోట శ్రీనివాసరెడ్డి తెలిపారు. మీరాలం ట్యాంక్ ఈద్గా, హాకీ గ్రౌండ్, మాసబ్ ట్యాంక్ పరిసరాల్లో ట్రాఫిక్ ఆంక్షలు ఉంటాయని తెలిపారు. ఈ సమయంలో వాహనదారులు ప్రత్యామ్నాయ మార్గాల్లో వెళ్లాలని సూచించారు.
ఎక్కడెక్కడ ట్రాఫిక్ రూల్స్ ఉంటాయంటే?
-మీరాలం ఈద్గా ప్రార్థనలకు వచ్చే వారి వాహనాలకు
– పురానాపూల్‌, కామాటిపుర, కిషన్‌బాగ్‌, బహదూర్‌పురా ఎక్స్ రోడ్స్‌ నుంచి అనుమతి
-సాధారణంగా వెళ్లే వాహనదారులు బహదూర్ పురా ఎక్స్ రోడ్ నుంచి ఈద్గా వైపు అనుమతి.
-ఈ వాహనాలను బహదూర్‌పురా క్రాస్‌ రోడ్డు వద్ద కిషన్‌బాగ్‌, కామాటిపుర వైపు మళ్లింపు
-మీరాలంకు వచ్చే వాహనాలు జూ పార్కు వద్ద, మసీద్‌ అల్హా ఓ అక్బర్‌కు ఎదురుగా ఉన్న బహిరంగ స్థలంలో పార్కింగ్‌ చేయాలి.
-శివరాంపల్లి, దానమ్మ హాట్స్‌ నుంచి ఈద్గా వైపు వచ్చే వాహనాలను దానమ్మ హాట్స్‌ చౌరస్తా నుంచి అనుమతి.
-ఈ సమయంలో సాధారణ వాహనదారులకు ఈద్గా వైపు అనుమతి ఉండదు.
-ఈ వాహనాలను దానమ్మ ఎక్స్‌రోడ్స్‌ నుంచి శాస్త్రీపురం, ఎన్‌ఎస్‌ కుంట వైపు మళ్లింపు.
-ఈ వాహనాలకు మోడ్రన్‌ సామిల్‌ పార్కింగ్‌ పక్కన, ఇద్గా మైదాన్‌కు ఎదురుగా మెయిన్‌ రోడ్డుపై, మీరాలం ఫిల్టర్‌ బెడ్‌, మీరాలం ఫిల్టర్‌ బెడ్‌కు పక్కన ఉన్న ఖాళీ స్థలం, దానికి ఎదురుగా ఉన్న సుఫీ కార్స్‌, యాదవ్‌ పార్కింగ్‌(కార్లు) వద్ద పార్కింగ్‌ చేయాలి.
-కాలాపత్తార్‌ వైపు నుంచి ఈద్గాకు వెళ్లే వాహనాలు.. కాలాపత్తార్‌ లా అండ్‌ ఆర్డర్‌ పోలీస్‌స్టేషన్‌ నుంచి వెళ్లాలి.
-సాధారణ వాహనాలు పీఎస్‌ వద్ద నుంచి మోచీ కాలనీ, బహదూర్‌పురా, శంషీర్‌గంజ్‌, ఎన్‌కే కుంట వైపు వెళ్లాలి.
-వాహనాలను బయ్యా పార్కింగ్‌, ఇండియన్‌ ఆయిల్‌ పెట్రోల్‌ పంపు వద్ద పార్కింగ్‌ చేయాలి.
-ఉదయం 8 నుంచి 11.30 గంటల వరకు పురానాపూల్‌ నుంచి బహదూర్‌పురా వైపు వచ్చే ఆర్టీసీ బస్సులతో పాటు ఇతర భారీ వాహనాలను పురానాపూల్‌ దర్వాజ నుంచి జియాగూడ, సిటీ కాలేజ్‌ వైపు మళ్లించనున్నట్లు నగర పోలీసులు తెలిపారు.
హాకీ గ్రౌండ్ నుంచి మాసబ్‌ట్యాంక్‌
హాకీగ్రౌండ్‌, మాసబ్ ట్యాంక్ వద్ద జరిగే ప్రార్థనలు మాసబ్‌ట్యాంక్‌ ఫ్లై ఓవర్‌ వరకు నిర్వహిస్తారు. ఈ సమయంలో ఫ్లై ఓవర్‌ కింద నుంచి వాహనాలకు అనుమతి ఉండదు.
మెహిదీపట్నం, లక్డీకాపూల్‌ వైపు నుంచి వచ్చే వాహనాలు ఫ్లై ఓవర్‌ పైనుంచి మాత్రమే ఉంటుంది. ఉదయం 7 నుంచి 10 గంటల వరకు ట్రాఫిక్ ఆంక్షలు.
మెహిదీపట్నం నుంచి రోడ్డు నం.1 బంజారాహిల్స్‌కు వచ్చే వాహనాలను మాసబ్‌ట్యాంక్‌ మీదుగా ట్రాఫిక్ ఆంక్షలు. ఈ వాహనాలు ఫ్లై ఓవర్‌ మీదుగా అయోధ్య జంక్షన్‌, ఖైరతాబాద్‌, తాజ్‌కృష్ణ రూట్‌లో వెళ్లాల్సి ఉంటుంది.
లక్డీకాపూల్‌ నుంచి మాసబ్‌ట్యాంక్‌ మీదుగా 1/12 జంక్షన్‌ వైపు వెళ్లే వాహనాలను అయోధ్య జంక్షన్‌ వద్ద ఖైరతాబాద్‌ వైపు మళ్లిస్తారు.
బంజారాహిల్స్‌ రోడ్డు నం.12, పంజాగుట్ట నుంచి మాసబ్‌ట్యాంక్‌ వైపు వాహనాలను అనుమతించరు. వాహనాలను 1/12 జంక్షన్‌ నుంచి తాజ్‌ కృష్ణ మీదుగా ఖైరతాబాద్‌ వైపు మళ్లింపు.
ఈ వాహనదారులు డ్యూటీలో ఉన్న ట్రాఫిక్ పోలీసులకు సహకరించాలని కోరారు. ఏదైనా అత్యవసరమైతే 9010203626 ట్రాఫిక్ హెల్ప్‌లైన్‌కు ఫోన్‌ చేయాలని నగర పోలీస్ కమిషనర్ సూచించారు.
ఇది కూడా చదవండి: నేడు జగిత్యాల జిల్లాలో పర్యటించనున్న గులాబీ బాస్.!
The post రేపు హైదరాబాద్ లో ట్రాఫిక్ ఆంక్షలు..పూర్తి వివరాలివే.! appeared first on tnewstelugu.com.
