హైదరాబాద్: ఇటీవల అమెరికాలోని వైట్హౌస్పైకి ట్రక్కు దూసుకెళ్లిన సంగతి మరువకముందే, లండన్లోని 10 డౌనింగ్ స్ట్రీట్లో ఉన్న బ్రిటన్ ప్రధాని రిషి సునక్ అధికారిక నివాసం గేట్లపైకి ఓ వ్యక్తి తన కారుతో దూసుకెళ్లాడు. కాగా, ఘటన జరిగినప్పుడు ప్రధాని రిషి సునక్ తన కార్యాలయంలోనే ఉన్నారు.
బ్రిటిష్ పోలీసులు తెలిపిన వివరాల ప్రకారం గురువారం సాయంత్రం 4 గంటల ప్రాంతంలో ఈ ఘటన జరిగింది. వాహనంలో ఉన్నవారిని అదుపులోకి తీసుకున్నామని, ఈ ఘటనలో ఎవరికీ గాయాలు కాలేదని పోలీసులు తెలిపారు. నిందితులపై కేసు నమోదు చేసి దర్యాప్తు ప్రారంభించినట్లు చెప్పారు.
