ఢిల్లీ: యమునా నదిలో నీటి మట్టాలు ప్రమాదకర స్థాయికి చేరుకున్నాయని ఢిల్లీ ముఖ్యమంత్రి అరవింద్ కేజ్రీవాల్ ట్వీట్ చేశారు. మరోవైపు ఈ రాత్రికి యమునా నది నీటిమట్టం 207.72 మీటర్లకు చేరుకోవచ్చని కేంద్ర జల సంఘం అంచనా వేస్తోంది.
ఢిల్లీకి ఇది మంచి పరిణామం కాదని అరవింద్ కేజ్రీవాల్ అభిప్రాయపడ్డారు. ఢిల్లీలో వరుసగా రెండు రోజులు వర్షాలు పడనప్పటికీ, హర్యానాలోని హర్త్నీ కుండ్ బ్యారేజీని విడుదల చేయడంతో యమునా నది నీటిమట్టం అసాధారణంగా ఉంది.
ఈ విషయంలో కేంద్రం జోక్యం చేసుకుని నీటిమట్టం పెరగకుండా తగిన చర్యలు తీసుకోవాలని ఢిల్లీ ముఖ్యమంత్రి కోరారు. 1978లో అత్యధికంగా 207.49 మీటర్ల వరద నమోదైందని, ప్రస్తుతం 207.55 మీటర్ల వరద నమోదైందని తెలిపారు. వరదల్లో చిక్కుకున్న ప్రజలను సురక్షిత ప్రాంతాలకు తరలించామని, పాత రైల్వే బ్రిడ్జిపై రాకపోకలను కూడా నిలిపివేసినట్లు సమాచారం.
