గంజాయి స్వాధీనం |ఆంధ్రప్రదేశ్ నుంచి కర్ణాటకలోని బెంగళూరుకు గంజాయి తరలిస్తున్న ముఠాను లాల్పహాడ్లో ఆదివారం మాద్పూర్ ఎస్వోటీ, చౌదర్గూడ పోలీసులు పట్టుకున్నారు.
శంషాబాద్ రూరల్: ఆంధ్రప్రదేశ్ నుంచి కర్ణాటకలోని బెంగళూరుకు గంజాయి తరలిస్తున్న ముఠాను ఆదివారం లాల్పహాడ్లోని మాదాపూర్ ఎస్వోటీ, చౌదర్గూడ పోలీసులు పట్టుకున్నారు. వారి నుంచి రూ.6.2 లక్షల విలువైన ఎండు గంజాయితోపాటు 178 కిలోల గంజాయి, రెండు కార్లను స్వాధీనం చేసుకున్నట్లు శంషాబాద్ జిల్లా డీసీపీ నారాయణరెడ్డి మీడియాకు తెలిపారు.
చిత్తూరు జిల్లా మోతుగూడెం నుంచి బెంగళూరుకు గంజాయి తరలిస్తున్నట్లు సమాచారం రావడంతో షాద్నగర్ నియోజకవర్గం లాల్పహాడ్లో వాహనాలను తనిఖీ చేసినట్లు వివరించారు. తొలుత వచ్చిన వాహనాన్ని ఆపి తనిఖీ చేయగా.. మరో వాహనం వెనుక స్కోడా నుంచి గంజాయి వచ్చిందని వివరించారు.
దీంతో పోలీసులు తనిఖీ నిమిత్తం కారును ఆపి 178 కిలోల గంజాయి, రెండు కార్లు, నాలుగు మొబైల్ ఫోన్లను స్వాధీనం చేసుకున్నారు. పోలీసులు అరెస్టు చేసిన నిందితుల్లో ఛత్తీస్గఢ్కు చెందిన బిద్యధర్ కీర్తనియా, ప్రశాంత్ బిస్వాస్ అనే ఇద్దరు డ్రైవర్లు, ఒడిశాకు చెందిన సిప్రకాజీ (మహిళ) ఉన్నారు. ఎనిమిది మందిపై కేసు నమోదు చేసినట్లు డీసీపీ వెల్లడించారు.
