Rajinikanth: రజినీ తన కూతుర్ని డిఫెండ్ చేసుకున్నారు. సంఘీ వ్యాఖ్యలను ఆయన సమర్ధించుకున్నారు. తాను ఓ ఆధ్యాత్మిక వ్యక్తిని అని చెప్పేందుకు తన కూతురు ఆ పదం వాడి ఉంటుందన్నారు.
చెన్నై: సూపర్స్టార్ రజినీకాంత్(Rajinikanth) తన కూతురు ఐశ్వర్య చేసిన వ్యాఖ్యలను సమర్ధించుకున్నారు. తన తండ్రి ఆధ్యాత్మిక వ్యక్తి అని, సంఘీ కాదు అంటూ లాల్ సలామ్ చిత్ర ప్రమోషన్ సమయంలో ఐశ్వర్య కామెంట్ చేశారు. దీనిపై ఆన్లైన్లో ట్రోలింగ్ జరుగుతున్నది. ఈ నేపథ్యంలో సంఘీ అన్న పదం వాడడం పట్ల నటుడు రజినీకాంత్ స్పందించారు. సంఘీ చెడు పదం కాదు అని రజినీ తెలిపారు. తాను ఓ ఆధ్మాత్మిక వ్యక్తిని అని, అన్ని మతాలను ఆధారిస్తారని చెప్పేందుకు తన కూతురు ఆ వ్యాఖ్యలు చేయాల్సి వచ్చిందని రజినీ వెల్లడించారు. లాల్ సలాం సినిమా ప్రమోషన్ కోసం ఐశ్వర్య అలా మాట్లాడిందా అని విలేకరులు అడిగిన ప్రశ్నను నటుడు రజినీ తిరస్కరించారు. అలాంటిది ఏమీ లేదని, లాల్ సలామ్ చిత్రాన్ని ఐశ్వర్య డైరెక్ట్ చేసిందన్నారు. ఈ సినిమా ఫిబ్రవరి 9వ తేదీన రిలీజ్ కానున్నది.
