ప్రముఖ టెలివిజన్ నటి డాలీ సోహి ఇవాళ(శుక్రవారం) చనిపోయారు. తన సోదరి అమన్ దీప్ సోహీ మరణించిన కొన్ని గంటల వ్యవధిలోనే డాలీ కూడా చనిపోవడం సినీ పరిశ్రమంలో విషాదకరం నెలకొంది. అక్కచెల్లెళ్లు ఇద్దరూ నటులే. అమన్ దీప్ కొంతకాలంగా కామెర్లతో అవస్థపడుతోంది. కాగా గతేడాది నుంచి డాలీ గర్భాశయ కాన్సర్ తో బాధపడుతోంది. వీరిద్దరూ న్యూ ముంబైలోని అపోలో ఆస్పత్రిలో చికిత్స పొందుతున్నారు. అమన్ దీప్ నిన్న(గురువారం) సాయంత్రం మరణించగా.. డాలీ శుక్రవారం తెల్లవారుజామున నాలుగు గంటల సమయంలో మృతి చెందినట్లు వారి సోదరుడు మన్ను సోహి తెలిపారు.
డాలీ గతేడాది తాను కీమోథెరపీ చేయించుకుంటున్న సమయంలో ఒక ఫొటోను షేర్ చేశారు. ‘మీలో పోరాటపటిమ ఉంటే జీవనప్రయాణం సాఫీగానే ఉంటుంది. పోరాడి జీవితాన్ని సుఖమయం చేసుకోవాలో లేక కుంగిపోయి, వ్యాధికి లొంగిపోవాలో మీరే నిర్ణయించుకోవాలి’ అంటూ ఆమె అప్పట్లో పోస్ట్ చేశారు. మేరీ ఆషికీ తుమ్సే హి, ఝనక్, ఖూబ్ లడీ మర్దానీ, ఝాన్సీ కీ రాణీ వంటి సీరియళ్లలో డాలీ నటించారు.
ఇది కూడా చదవండి: ఓటుకు నోటు కేసులో దొరికిన వ్యక్తి మహిళల ఉద్యోగాల్లో కోత విధించారు
