ఫుడ్ డెలివరీ సంస్థ జొమాటో అంతర్జాతీయ మహిళా దినోత్సవం సందర్భంగా తమ సంస్థలో పనిచేసే మహిళా సిబ్బందికి కొత్త కానుక ఇచ్చింది. తమ సంస్థలో పనిచేసే డెలివరీ మహిళలకు కొత్త యూనిఫాం తీసుకువచ్చింది. దీనిలో భాగంగా ఎరుపు రంగు కుర్తాలు అందించింది. ఈ సందర్భంగా కీలక ప్రకటన చేసింది. ఇకపై యూనిఫాంగా టీ-షర్టు ధరించడం తప్పనిసరి కాదు అని చెప్పింది. సౌకర్యంగా ఉంటేనే టీ-షర్ట్ ధరించాలని లేనిపక్షంలో కుర్తా వేసుకోవచ్చని తెలిపింది.
ఈ సందర్భంగా జొమాటో తన లింక్డిన్ పోస్టులో.. ‘జొమాటో టీ-షర్టులు ధరించడంపై చాలామంది మహిళా డెలివరీ ఉద్యోగులు అసౌకర్యాన్ని వ్యక్తం చేశారు. వారి అభిప్రాయం మేరకు టీ-షర్ట్ మాత్రమే కాకుండా కుర్తాలు ధరించే వెసులుబాటు కల్పించాం’ అని చెప్పింది.
ఇక కొత్త యూనిఫాం వేసుకున్న తర్వాత డెలివరీ మహిళల కోసం ప్రత్యేకంగా ఫొటోషూట్ చేయడం జరిగింది. మహిళా ఉద్యోగులు కుర్తాలు ధరించి చాలా సౌకర్యవంతంగా ఉందన్నారు. ఓ మహిళ తన కుర్తాకు జేబు కూడా ఉందని ఆనందం వ్యక్తం చేస్తున్నారు. జొమాటో కొత్త ఆలోచన చాలా బాగుందని నెటిజన్లు ప్రశంసలు కురిపిస్తున్నారు.
ఇది కూడా చదవండి: ఎల్ఆర్ఎస్ పై సీఎం రేవంత్ రెడ్డికి బీఅర్ఎస్ వర్కింగ్ ప్రెసిడెంట్ కేటీఆర్ లేఖ
