Kate Middleton | బ్రిటన్ యువరాజు విలియం (Prince William)కు సారా రోజ్ హాండ్బరీ (Sarah Rose Hanbury)తో అఫైర్ ఉందంటూ వార్తలు వస్తున్న విషయం తెలిసిందే. ఈ వార్తలను సారా తాజాగా ఖండించింది.
Kate Middleton | ఇప్పుడు ఎక్కడ చూసినా బ్రిటన్ యువరాజు విలియం (Prince William) సతీమణి, ప్రిన్సెస్ ఆఫ్ వేల్స్ (Princess of Wales) కేట్ మిడిల్టన్ (Kate Middleton) పేరు మార్మోగిపోతోంది. అందుకు కారణం ఆమె గత కొన్ని నెలలుగా బాహ్య ప్రపంచానికి కనిపించకపోవడమే. అనారోగ్యం వల్ల కేట్ పొత్తికడుపు శస్త్రచికిత్స (abdominal surgery) చేయించుకున్నారని, ప్రస్తుతం ఇంట్లో కోలుకుంటున్నారంటూ ప్రిన్స్ అండ్ ప్రిన్సెస్ ఆఫ్ వేల్స్ కార్యాలయం జనవరిలో వెల్లడించింది. అయితే, అప్పటి నుంచి ఇప్పటి వరకూ ఆమె బయట ఎక్కడా కనిపించలేదు. అధికారిక కార్యక్రమాల్లో కూడా యువరాజు విలియం ఒక్కరే పాల్గొంటూ వస్తున్నారు. దీంతో కేట్ చుట్టూ ఎన్నో కథనాలు వినిపిస్తున్నాయి.
శస్త్రచికిత్స అనంతరం కేట్ కోమాలోకి వెళ్లిపోయిందంటూ ప్రచారం జరుగుతోంది. ఇదే సమయంలో యువరాజు విలియంకు స్నేహితురాలు 40 ఏళ్ల సారా రోజ్ హాండ్బరీ (Sarah Rose Hanbury)తో అఫైర్ ఉందంటూ వార్తలు బయటకు వచ్చాయి. ‘కేట్ అదృశ్యంతో ఈ రాజ్యం అల్లకల్లోలమవుతోంది. కొందరు నెటిజన్లు ఇందుకు విలియం అఫైర్ కారణమని భావిస్తున్నారు’ అంటూ ఒక టాక్ షోలో కమెడియన్ స్టీఫెన్ కోల్బర్ట్ వ్యాఖ్యానించడంతో విలియం అఫైర్ స్టోరీ మరోసారి చర్చకు దారితీసింది. ఈ అంశం బ్రిటన్ రాజ్యంలో చర్చనీయాంశమవుతోంది. ఈ నేపథ్యంలో ఈ వార్తలపై సారా రోజ్ హాండ్బరీ తాజాగా స్పందించింది. విలియంతో అఫైర్ వార్తలను తీవ్రంగా ఖండించింది. ఆ వార్తలన్నీ అవాస్తవమని కొట్టిపారేసింది. ఈ మేరకు ఓ ప్రకటన విడుదల చేసినట్లు బిజినెస్ ఇన్సైడర్ నివేదించింది.
కాగా, సారా రోజ్ హాండ్బరీ బ్రిటన్ రాజవర్గాలతో అత్యంత సన్నిహిత సంబంధాలున్న కుటుంబంలో జన్మించింది. ఆమెకు విలియం, కేట్తో మంచి స్నేహం ఉంది. వారి నివాసాలు కూడా దాగ్గరగానే ఉంటాయి. దీంతో వీరు తరచూ కలుసుకుంటూ ఉంటారు. అయితే, సారా- విలియం మధ్య అఫైర్ ఉందంటూ గత కొంత కాలంగా వార్తలు వస్తున్నాయి. వీరి లవ్ అఫైర్పై తొలిసారిగా 2019లో వదంతులు వచ్చాయి. అప్పటి నుంచి ఈ వార్తలకు చెక్ పడటం లేదు. ఇప్పుడు కేట్ అదృశ్యం వేళ మరోసారి వీరి అఫైర్ అంశం తెరపైకి రావడంతో నెటిజన్లంతా కేట్ కనిపించకుండా పోవడానికి విలియం – సారా అఫైరే కారణం అంటూ చెప్పుకుంటున్నారు.
Also Read..
TCS Salary Hike | టీసీఎస్ ఉద్యోగులకు శుభవార్త.. త్వరలో జీతాలు పెంచనున్న సంస్థ..!
Indias First Bullet Train | బుల్లెట్ రైలుపై కీలక అప్డేట్.. 2026 నాటికి అందుబాటులోకి వస్తుందన్న రైల్వే మంత్రి
SS Rajamouli | జపాన్లో రాజమౌళికి అరుదైన గౌరవం.. ప్రత్యేక గిఫ్ట్ ఇచ్చిన 83 ఏళ్ల వృద్ధురాలు
