Gur Chana Snack : చర్మంపై ముడతలు, డ్రై స్కిన్ ప్రాబ్లమ్స్తో పాటు వృద్ధాప్య ఛాయలు దరిచేరుతున్నాయని బాధపడేవారు ఈ టేస్టీ స్నాక్స్ను ఎంజాయ్ చేస్తూ మెరిసే చర్మాన్ని సొంతం చేసుకోవచ్చు.
Gur Chana Snack : చర్మంపై ముడతలు, డ్రై స్కిన్ ప్రాబ్లమ్స్తో పాటు వృద్ధాప్య ఛాయలు దరిచేరుతున్నాయని బాధపడేవారు ఈ టేస్టీ స్నాక్స్ను ఎంజాయ్ చేస్తూ మెరిసే చర్మాన్ని సొంతం చేసుకోవచ్చు. మనం ప్యాకేజ్డ్, ప్రాసెస్డ్ స్నాక్స్కు మారకముందు వంటింట్లో నోరూరించిన ఈ స్నాక్ ఇప్పుడు యవ్వన కళను సంతరించేలా పోషకాహార నిపుణులు మన ముందుకు తీసుకువచ్చారు.
బెల్లం, వేయించిన శనగల కాంబినేషన్తో ఈ స్నాక్ తయారుచేసుకోవచ్చు. ఈ వండర్ స్నాక్ ఆరోగ్యానికి మేలు చేయడంతో పాటు మీ సౌందర్యాన్నీ నిగారింపచేస్తుందని న్యూట్రిషనిస్టులు చెబుతున్నారు. ఇందులో ఉండే ప్రొటీన్, ఎనర్జీతో వర్కవుట్స్ చేసే ముందు కూడా ఈ స్నాక్ను తీసుకోవచ్చు. లంచ్ తర్వాత సాయంత్రం స్నాక్గా దీన్ని తీసుకోవాలని న్యూట్రిషనిస్ట్ లీమా మహజన్ పేర్కొన్నారు.
ఈ స్నాక్లో గ్లైకోలిక్ యాసిడ్ ఉండటంతో ఇది శరీరానికి మేలు చేస్తుంది. చర్మంపై ముడతలు, వృద్ధాప్య చిహ్నాలను తొలగిస్తుంది. ఈ స్నాక్లో ఉండే మెగ్నీషియం చర్మంపై ముడతలు, గీతలను తొలగించి చర్మం మెరిసేలా చూస్తుంది. ఇందులో ఉండే జింక్, సెలీనియం వంటి పోషకాలతో ఇన్ఫెక్షన్స్ దరిచేరవు. ఇంకా కండరాల బలోపేతానికి, దంతక్షయ నివారణకు పనిచేస్తుంది. గర్భిణులకు కూడా ఈ స్నాక్ ఆరోగ్యపరంగా చాలా మేలు చేస్తుందని పోషకాహార నిపుణులు చెబుతున్నారు.
Read More :
Health Tips | రోజులో ఎన్నిసార్లు తినొచ్చు? ఎన్ని గంటల నిడివిలో తినాలి?
