IPL 2024 | ఐసీసీ అండర్ – 19 వరల్డ్ కప్లో తన పేస్ బౌలింగ్తో ప్రత్యర్థులకు చుక్కలు చూపించిన దక్షిణాఫ్రికా యువ పేసర్ క్వెన మఫక ఐపీఎల్ ఎంట్రీ ఇవ్వనున్నాడా..?
IPL 2024 | కొద్దిరోజుల క్రితమే సౌతాఫ్రికా వేదికగా ముగిసిన ఐసీసీ అండర్ – 19 వరల్డ్ కప్లో తన పేస్ బౌలింగ్తో ప్రత్యర్థులకు చుక్కలు చూపించిన దక్షిణాఫ్రికా యువ పేసర్ క్వెన మఫక ఐపీఎల్ ఎంట్రీ ఇవ్వనున్నాడా..? అంటే అవుననే సమాధానం వినిపిస్తున్నది. అండర్ – 19 వరల్డ్కప్లో అంచనాలకు మించి రాణించిన 17 ఏండ్ల మఫక.. ఐపీఎల్లో ముంబై ఇండియన్స్ తరఫున ఆడనున్నట్టు సమాచారం. ఈ మేరకు అతడు ఇప్పటికే ముంబైలో ల్యాండ్ అయ్యాడని, జట్టుతో కలిసినట్టు సోషల్ మీడియాలో గుసగుసలు వినిపిస్తున్నాయి.
అండర్ – 19 వరల్డ్ కప్లో 21 వికెట్లు పడగొట్టిన మఫక.. క్రికెట్ సౌతాఫ్రికా (సీఎస్ఎ) టీ 20 చాలెంజ్లో భాగంగా లయన్స్ తరఫున ఆడాడు. ఆ టోర్నీలో కూడా రాణించాడు. సౌతాఫ్రికా తరఫున భావి రబాడాగా ప్రశంసలు దక్కించుకుంటున్న మఫక.. ముంబైకి ఆడనున్నట్టు తెలుస్తోంది. దక్షిణాఫ్రికా టీ20 లీగ్ అయిన ఎస్ఎ20లో ఎంఐ కేప్టౌన్ తరఫున ఆడే రబాడా చొరవతో ముంబై.. మఫకను సంప్రదించినట్టు తెలుస్తోంది. అయితే ఈ యువ పేసర్ను నెట్ బౌలర్గా వాడుతారా..? లేక నేరుగా మ్యాచ్లలో ఆడిస్తారా..? అనేది మాత్రం తేలాల్సి ఉంది.
Looks like Kwena Maphaka will join up with Mumbai Indians for #IPL2024 . The extent of his involvement is unclear but he could be there on an apprenticeship. Fantastic news this. He’ll learn so much in that environment.
Credit: @shockerhess #CricketTwitter pic.twitter.com/TD2ykOzldr
— Lawrence Bailey ⚪ 🇿🇦 (@LawrenceBailey0) March 20, 2024
ఒకవేళ అతడిని ఐపీఎల్లో ఆడించినా ప్రస్తుతం పాఠశాల విద్యను అభ్యసిస్తున్న మఫక కోసం ముంబై ప్రత్యేక ఏర్పాట్లను చేయనుందట. అతడి చదువుకు ఇబ్బంది కలగకుండా ఉండేందుకు గాను ముంబై జాగ్రత్తలు తీసుకోనుందని సమాచారం. మఫక ఈనెల 19నే ముంబైకి వచ్చాడని వార్తలు వస్తున్నాయి. దీనిపై ముంబై ఇండియన్స్ త్వరలోనే అధికారిక ప్రకటన వెలువరించే అవకాశముంది.
Kwena Maphaka Becomes Mumbai Indians Net Bowler 🔥 pic.twitter.com/ze5z99kpmR
— Junaid Khan (@JunaidKhanation) March 20, 2024
