టీటీడీ ఆలయం |నవీ ముంబైలోని శ్రీవేంకటేశ్వర స్వామి ఆలయంలో బుధవారం టీటీడీ ఆధ్వర్యంలో భూమిపూజ జరగనుంది.
టీటీడీ ఆధ్వర్యంలో నవీ ముంబైలో నిర్మించిన శ్రీవేంకటేశ్వర స్వామి ఆలయానికి బుధవారం భూమిపూజ జరగాల్సి ఉంది. మహారాష్ట్ర ముఖ్యమంత్రి ఏక్నాథ్ షిండే, ఉప ముఖ్యమంత్రి దేవేందర్ పడ్నవీస్, టీటీడీ చైర్మన్ వైవీ సుబ్బారెడ్డి సమక్షంలో వేద మంత్రోచ్ఛారణలతో పూజా కార్యక్రమం నిర్వహించారు. మహా ప్రభుత్వం కేటాయించిన సుమారు 10 ఎకరాల స్థలంలో నిర్మించనున్న ఆలయానికి రూ.600-750 కోట్లు ఇచ్చేందుకు రేమండ్ గ్రూప్ సీఎండీ గౌతమ్ హరి సింఘానియా ముందుకు వచ్చారు.
ఈ సందర్భంగా సీఎం ఏక్నాథ్ షిండే మాట్లాడుతూ ముంబై వాసుల చిరకాల వాంఛలను నెరవేరుస్తామన్నారు. స్వామివారిని దర్శించుకునేందుకు తిరుపతికి వెళ్లలేని భక్తులకు నవీ ముంబైలో నిర్మిస్తున్న శ్రీవారి ఆలయం ఎంతగానో ఉపయోగపడుతుందని వెల్లడించారు. ఆలయ నిర్మాణానికి తాము పూర్తిగా సహకరిస్తామని తెలిపారు.
తిరుమల తరహాలో నవీ ముంబైలో ఆలయాన్ని నిర్మిస్తామని టీటీడీ చైర్మన్ వైవీ సుబ్బారెడ్డి తెలిపారు. పుష్కరిణి, అలంకార మండపం, రథ మండపం, వాహన మండపం, మాడ వీధుల నిర్మాణంతో రెండేళ్లలో ఆలయాన్ని పూర్తి చేస్తామని స్పష్టం చేశారు. ఈ సమావేశంలో టీటీడీ ఈవో ధర్మారెడ్డి, టీటీడీ బోర్డు సభ్యులు మిలింద్ నర్వేకర్, అమోల్ కాలే, రాజేష్ శర్మ, సౌరభ్ బోరా తదితరులు పాల్గొన్నారు.
