హైదరాబాద్ : ప్రభుత్వం అమలు చేస్తున్న దళితబంధు పథకంలో వికలాంగులకు ప్రాధాన్యత కల్పిస్తామని సంక్షేమ శాఖ మంత్రి కొప్పుల ఈశ్వర్ హామీ ఇచ్చారు. డిసెంబర్ 3న ప్రపంచ వికలాంగుల దినోత్సవాన్ని రాష్ట్రవ్యాప్తంగా నిర్వహించేందుకు ఏర్పాట్లు చేస్తున్నామని మంత్రి తెలిపారు.
హైదరాబాద్లోని మహిళా శిశు సంక్షేమ శాఖ కార్యాలయంలో ఏర్పాటు చేసిన సమావేశంలో మంత్రి ఈశ్వాల్ పాల్గొని ప్రసంగించారు. ఇతర రాష్ట్రాల మాదిరిగానే తెలంగాణ ప్రభుత్వం కూడా వికలాంగులపై దృష్టి సారిస్తుందని మంత్రి తెలిపారు. 3వేల పింఛన్ అందించిన ఘనత సీఎం కేసీఆర్కే దక్కుతుందన్నారు.
ప్రపంచ వికలాంగుల దినోత్సవాన్ని పురస్కరించుకుని రాష్ట్రంలోని ప్రతి జిల్లాకు రూ.50వేలు అందజేస్తామని పేర్కొన్నారు. వికలాంగుల సంక్షేమ సంఘం అధ్యక్షుడు వాసుదేవ రెడ్డి మాట్లాడుతూ ప్రపంచ వికలాంగుల దినోత్సవ వేడుకల్లో పాల్గొనాలని పిలుపునిచ్చారు.
ఈ సమావేశంలో వికలాంగుల శాఖ కార్యదర్శి దివ్య దేవరాజన్, డైరెక్టర్ శైలజ, వివిధ సంఘాల ప్రతినిధులు పాల్గొన్నారు.
The post ‘దళిత బంధు’ వికలాంగులకు ప్రాధాన్యత appeared first on T News Telugu.
