నల్గొండ జిల్లా నగిరేకల్ శివారులో నర్సింగ్ విద్యార్థులు ప్రయాణిస్తున్న బస్సు ప్రమాదానికి గురైంది. బస్సును వెనుక నుంచి లారీ ఢీకొనడంతో అదుపు తప్పి బోల్తా పడింది. ఈ ఘటనలో 15 మంది విద్యార్థులు గాయపడ్డారు. అదృష్టవశాత్తూ పెద్ద ప్రమాదాలు జరగలేదు. ఘటన జరిగిన సమయంలో స్కూల్ బస్సులో 15 మంది విద్యార్థులు ఉన్నారు. సమాచారం అందుకున్న పోలీసులు వెంటనే రంగంలోకి దిగారు. క్షతగాత్రులను సూర్యాపేట ఆస్పత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. విద్యార్థులంతా సూర్యాపేటలోని అపర్ణ కాలేజ్ ఆఫ్ నర్సింగ్‌కు చెందినవారని పోలీసులు తెలిపారు.
ప్రమాదంపై మంత్రి హరీశ్‌రావు స్పందించారు
ప్రమాదంపై వైద్య ఆరోగ్య శాఖ మంత్రి హరీశ్‌రావు స్పందించారు. ప్రమాదం ఎలా జరిగిందని ఆయన ప్రశ్నించారు. గాయపడిన విద్యార్థికి మెరుగైన వైద్యం అందించాలని సూర్యాపేట ప్రధానాధికారిని మంత్రి ఆదేశించారు. ప్రమాదంలో గాయపడిన విద్యార్థులకు ప్రాణాపాయం లేదని వైద్యులు తెలిపారు.
