హైదరాబాద్: మహిళలు ఆర్థికంగా స్వావలంబన సాధించాలని మంత్రి తలసాని శ్రీనివాస్ యాదవ్ అన్నారు. మహిళా మత్స్యకారులు చేపల మార్కెటింగ్ మరియు చేపల వంటకాల తయారీలో శిక్షణను సద్వినియోగం చేసుకోవాలని సూచించారు. హైదరాబాద్‌లోని నెథెమ్ ఇనిస్టిట్యూట్‌లో మహిళా మత్స్యకారుల శిక్షణా కార్యక్రమాన్ని మంత్రి ప్రారంభించారు. అనంతరం ఆయన మాట్లాడుతూ జూన్ 7 నుంచి 9వ తేదీ వరకు వివిధ జిల్లాల్లో ఫుడ్ ఫెస్టివల్ నిర్వహించనున్నట్లు తెలిపారు. మత్స్యకారులు ఆర్థికంగా అభివృద్ధి సాధించాలని సీఎం కేసీఆర్ ఆకాంక్షిస్తున్నారని తెలిపారు.
తెలంగాణ రాష్ట్రం ఏర్పడిన తర్వాత రాష్ట్రంలో మత్స్య సంపద మూడింతలు పెరిగిందని వెల్లడించారు. మత్స్యకారులకు సంపదను అందించడమే ప్రభుత్వ లక్ష్యం. 1,30,000 మంది మత్స్యకారులకు సభ్యత్వం కల్పించేందుకు ప్రత్యేక ప్రచారాన్ని ప్రారంభించామన్నారు. రానున్న రోజుల్లో విదేశాలకు చేపలను ఎగుమతి చేసే స్థాయికి చేరుకుంటామని స్పష్టం చేశారు.
