ముంబై: మహారాష్ట్ర రాష్ట్ర రాజధాని, దేశ వాణిజ్య నగరమైన ముంబైలోని ఛత్రపతి శివాజీ మహారాజ్ అంతర్జాతీయ విమానాశ్రయంలో సర్వర్ డౌన్ అయింది. దీంతో గురువారం రాత్రి విమానాశ్రయం టెర్మినల్ 2లోని అన్ని వ్యవస్థలు స్తంభించిపోయాయి. ఈ నేపథ్యంలో చెక్-ఇన్, లగేజీ కోసం పెద్ద సంఖ్యలో ప్రయాణికులు క్యూ కడుతున్నారు. సర్వర్ క్రాష్‌తో కంప్యూటర్‌లు పని చేయడం మానేయడంతో విమానాశ్రయ సిబ్బంది మాన్యువల్ పద్ధతులను ఆశ్రయిస్తున్నారు. దీంతో ప్రయాణికులు గంటల తరబడి బారులు తీరారు. విమాన సర్వీసుకు అంతరాయం ఏర్పడిన కారణంగా. చాలా విమానాలు ఆలస్యంగా నడిచాయి. దీంతో విమానాశ్రయమంతా గందరగోళం నెలకొంది.
మరోవైపు, విమానాల్లో ఇబ్బందులు ఎదుర్కొన్న ప్రయాణికులు కూడా ట్విట్టర్‌లో తమ సంతాపాన్ని తెలిపారు. ఒక మహిళ తన లగేజీని చెక్-ఇన్ కౌంటర్ వద్ద వదిలిపెట్టిన తర్వాత సిస్టమ్ క్రాష్ అయ్యిందని పేర్కొంది. కాగా, ప్రయాణికుల అసౌకర్యంపై ఎయిర్ ఇండియా స్పందించింది. అసౌకర్యానికి గురికాకుండా తమ ఉద్యోగులు తీవ్రంగా శ్రమిస్తున్నారని ట్వీట్ చేసింది.
సిస్టమ్ క్రాష్ అయింది #ముంబయి విమానాశ్రయం @airindiain #అన్ని విమానయాన సంస్థలు వెర్రి జనాలు మరియు పొడవైన లైన్లు. విమాన ఆలస్యం మరియు మరిన్నింటిని ఆశించండి… pic.twitter.com/3ImGgmjUYy
— కివి (@kiwitwees) డిసెంబర్ 1, 2022
ఆలస్యం అసౌకర్యంగా ఉంటుందని మాకు తెలుసు. మా బృందం అసౌకర్యాన్ని తగ్గించడానికి తీవ్రంగా కృషి చేస్తోంది. తదుపరి నవీకరణల కోసం వారు మిమ్మల్ని సంప్రదిస్తారు.
— ఎయిర్ ఇండియా (@airindiain) డిసెంబర్ 1, 2022
864027
