తెలంగాణపై కేంద్రం ద్వేషపూరితంగా వ్యవహరిస్తోందని మంత్రి కేటీఆర్ అన్నారు. ఏది ఏమైనా సీఎం కేసీఆర్ వారు చూపుతున్న వివక్షను పట్టించుకోకుండా అభివృద్ధి చేస్తున్నారు. ఈ కారణంగానే రాష్ట్రంలోని గ్రామాలు, పట్టణాలు అభివృద్ధికి చిరునామాలుగా మారాయి. సిరిసిల్ల పర్యటనలో భాగంగా ఏర్పాటు చేసిన కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడారు. తెలంగాణ గ్రామ పంచాయతీల్లో సాధించిన ప్రగతిని ముస్సోరి ఐఏఎస్ అకాడమీలో కోర్సుగా బోధిస్తున్నట్లు తెలిపారు. ఇది దేశానికే గర్వకారణమని అన్నారు. స్వచ్ఛ సర్వేక్షణ్లో వరుసగా మూడుసార్లు రాజన్న సిరిసిల్ల జిల్లా దేశంలోనే అత్యుత్తమంగా నిలిచిందని గుర్తు చేశారు. గతంలో గంగదేవిపల్లి, అంకాపూర్ గ్రామాలు మాత్రమే ఉత్తమ గ్రామాలుగా ఉండేవని, ఇప్పుడు చాలా గ్రామాలు పోటీ పడుతున్నాయన్నారు.
