సమ్మర్ కోచింగ్ క్యాంపును ప్రారంభించిన మేయర్ విజయలక్ష్మి

విక్టరీ ప్లే గ్రౌండ్‌లో జీహెచ్‌ఎంసీ ఆధ్వర్యంలో ఏర్పాటు చేసిన వేసవి శిక్షణ శిబిరాన్ని మేయర్ విజయలక్ష్మి ప్రారంభించారు. ఈ వేసవి శిబిరాన్ని వేసవి సెలవుల్లో పాఠశాలలో చదివే విద్యార్థుల కోసం ప్రత్యేకంగా రూపొందించారు. ఈ 37 రోజుల శిబిరంలో 6 నుండి 16 సంవత్సరాల వయస్సు గల బాలబాలికలు శిక్షణ పొందుతారు. మొత్తం 44 క్రీడలలో బోధన అందించబడుతుంది. జీహెచ్‌ఎంసీ పరిధిలోని 353 క్రీడా మైదానాల్లో శిబిరాలు ఏర్పాటు చేస్తున్నట్లు మేయర్‌ తెలిపారు. ఆసక్తి గల వారు ఈ అవకాశాన్ని సద్వినియోగం చేసుకోవాలని మేయర్ విజయలక్ష్మి సూచించారు.